ZIAKA INELNA/INTIHSIAKNA
Sermon inziahsiak: Week intihsiakna pakhat,'Sermon Inziahsiak'chu tun atangin KTP Member a duh apiang tan ziah nghal char char teih a ni e.Thumal 2000-2100 inkar hmangin sermon i duh ang ang i ziak thei a,thupui pawh nangmaha a lan dan ang ang i hmang thei e.
Thawnthu tawi fing: Thawnthu tawi fing phuahin nangmah leh i group tan lawmman i dawng thei bawk.I thawnthu tawi fing phuah chu thumal 200 aia sei erawh a ni tur a ni lo thung.Tuin nge nge Aesop-a aiin thawnthu fing i phuah thiam zawklo ang tih hria ni?
Poetry(Free Verse):Poetry hmanga KTP Week lawmman la tur hian mi lunglen thei tak nih a ngai kher lo e.`KTP Week 25-na'tih thupui a hmangin i duh duh dan hmangin i phuah thiam tawk a seiin phuah la han thehlut ve ta che
Heng ziaka intihsiakna te hi khawlchhut copy thum (Copy 3) siamin Litt. & Sport Sub Committee Secretary Tv.R.Zoremtluanga hnenah June 11(Thawhtanni) hmain thehluh tur a ni.A thehluttu hming leh group erawh lehkha hranah tarlan tur a ni.
Ziaka intihsiakna result avanga Group thenkhatte Week tawp zana an point hmuh a san zawt zawt laia,'Ka lo ziak ve ta lo a ni'ti a i inchhir mai loh nan thahnem ngai takin ziak ve rawh le.
