Bial KTP Conference Vawi 6-na

Mission Vengthlang Pastor Bial KTP Conference Vawi 6-na

A hun : January 21-23, 2011
A hmun : Model Veng Presbiterian Kohhran Biak In
Thupui: "Thalaite leh Nunnghet"
Speaker: Rev F Lalrinnunga, Director,SMTC

Mission Vengthlang Pastor Bial KTP Conference Vawi 6-na chu January ni 21-23, 2011 Chhung hian Model Veng Kohhran Biak In-ah neih a ni dawn a,Conference thupui atan,"Thalaite leh Nunnghet" niin Speaker-ah Rev F Lalrinnunga,Director,SMTC a ni..

Conference tan zan, January 21,2011 hian Palai lawm leh Bial leh Branch Pathum  report ngaithla-a hun hman a ni ang nga,Branch pathum atangin zaipawl zai ngaihthlak a ni bawk ang.

January ni 22,2011(Inrinni) chawhma dar 11:00-ah kum 2011 chhunga,Bial KTP Office Bearer turte thlanna leh rorel inkhawm -a hun hman tur a ni a, Branch tin atangin rorel palai 70 theuh inruat a ni a,Bial Committee member te chu palai nisa an ni.

January 22 (Inrinni) atanga 23 Pathianni zan thlengin, Pathian Biak Inkhawm neih thin tur a ni.Tin,Inrinni zan atang hian Inkhawm ban apiangin Inpawlhona hun hlimawm tak hman thin tur a ni.Inrinni zan atangin thilpek lakkhawm a ni ang nga,Kristian Hla Bu leh KTP General Conference Hla bu 2010 Hla bu hman tur a ni.

Bial KTP Conference hi Bial chhung member zawng zawng te kan tel vekna tur a ni tih hriain member zawng zawng ten i ngai pawimawh theuh ang u.