KTP Week Vawi 24-na Kan Zo Ta

Kumkhat chhunga kan Branch programme lian ber pakhatKTPWeek chuPathian hruaiin tluang takin kan zo fel leh ta der mai. Group paruk (6) te intihsiakna hrang hrang 25 zet bakah member kal that hmang tea kan in el hnuin, Group dangte tluk phak rual lohin Zakaria Group(Dam Bial leh Field veng Bial) chuan point hmu hnem berin Group dang panga (5) te chungah hnehna hlado an chham ta a ni.

A HAWNNA: Week hi June ni 27 (Thawhtanni) zanah Revival Centenary Hall-ah kan Branch Leader Pu Lalnunfela’n a hawng a. Khawl lam thil fello avanga a hawnna programme a khaihlak deuh tih loh chu tluang

taka hun hman a ni. I n t i h s i a k n a  n e i h chhunzawm nghal a ni a,Group hrang hrang te thahnemngai au thawm a tha ham ham e. Week programme hi June ni 28 (Thawhlehni) zan leh ni 30 (Ningani) zanah te Revival Centenary Hall-ah hman chhunzawm zel a ni a. Group hrang hrang te kan tangin kan thawm a tha thin hle.

OUTDOOR ITEMS: Inchhung lama tih theih chi intihsiakna kan zawh hnuah pawn lama tih ngai chi te July ni 2 (Inrinni) nilengin Synod Higher Secondary School-ah phur takin kan chhunzawm leh a. Kuminah hian kum dang ang lo deuhin thlan tla mang loa tih mai theih chi hmangin intihsiakna kan nei a. Mahse, mahni group tana thahnem kan ngaih em avangin thlan tla khawpin kan phur tho mai. Kan hlim tlang e.

ZAN HLIMAWM,INCHEI NA MAK:TVleh media hrang hrangah sap thalaiten zalen tak a hun hlimawm an hman dan kan hmu thin. An duh duh dana inchei theihna hun an nei a. thalaiho in Prom Nite an ti, CostumeParty an ti, naupang te thlengpawhaan tel theihna Halloween Nite thlengin an nei. Mizo thalai tam takin danglam taka inchei ve theihna hun leh hmun neih ve an chak, mahse, khawtlanginpawmtheih loh a ngah si. Zirna In thenkhatah zirlaiten an thiam dan ang anga zan programme an buatsaih lah zirlai nungchang tha deuh tan kal a inthlahrunawm fo. Chung thalai tam tak tuihalna leh rualawhna chu tunhnaiah KTP rawngbawlna huang chhungah a chhanna kan hmuta hlauh mai. Urlawk zan leh kum hlui thlah zana thalai teihawi mai mai tur tam tak KTP ten Biak In compound-ahhun kan hmanpui pawh at hatzia hriain ram pumah kan la zawngchhang zel. Hmanlai Zan leh Thuthlung Hlui Nite pawh ram pum huapin kan la zawngchhang zel ngei ang. Engah nge thalaite hian intihlim turin khawpui dai an pan zel kher bik ang ni??

A KHARNA: KTP Week vawi 24-na chu tluang tak leh hlim taka intihsiakna hrang hrangte kan neih zawh hnuah July ni 4 (Thawhtanni) zanah Revival Centenary Hall-ah lawmman sem leh akharnahun kan hmang a. Mimal lawmman hrang hrang leh Group champion lawmmante sem niin Best Boy-ah Tv. Lalmuanawma (Zakaria Grp.) leh Best Girlah Nl. Lalrammawii (Zefania Grp.) te thlan an ni bawk. Khar hma a tih tur awm zawng zawng kan tih hnuah kan Branch Asst. Secretary Pu Vanlalruata’n tuma hawn leh theih tawh loh turinWeekVawi 24-na chu a khar ta a ni. Ui tak chunga kan khar hnuah Tv. Thangtea leh a pawlte buatsaih thingpui paw thlum ngat kan in ho a, nakum lama Week vawi 25-na hman leh hun nghakhlel tak chungin kan tin darh ta a ni.

Group Point Hmuh Dan
1.Zakaria Group 274
2.Nahuma Group 247
3.Habakuka Group 206
4.Hagaia Group 206
5.Zefania Group 151
6.Malakia Group 117