Pathian Hnenah pe hmasa rawh! Râlte Kta

                                Vawi khat chu Africa ram pilril tak maiah hian Missionary pakhat hi Dâp in pakhatah hian a rawngbawlna te a tlak that theihna turin urhsun tak maiin Pathian hnenah tawngtaiin a dil a. Chutih lai tak chuan a in kawngkhar chu pawn lam atangin an khaw rawlthar pakhat hian a rawn kik dat dat a. Kawngkhar a va hawn chuan chu rawlthar tlangval chuan Sangha lian tha angreng ...zet mai pakhat hi a lo khai va va mai a. Phur takin chu Missionary pa hnenah chuan a pe a. “Ka pu, hei I mi zirtir ang khan sawm a pakhat pek tur I ti a. Chuvangin ka neih zinga sawm a pakhat chu ka rawn pe e”a han ti var a. Missionary Pa chuan mak ti angreng tak mai hian, “A nih leh, khawiah nge I sangha man dang pakua te chu an awm a?” tiin a han zawt let a. Chu rawlthar tlangval chuan, “Tunah chuan a dang chu Lui ah an la awm vek a, chung ho man leh tur chuan ka kal leh mai dawn a lawm” tiin a chhang a. Missionary Pa chuan chu rawlthar tlangval rinna nasat zia a hmuh chuan mak a tiin a rilru a hneh hle mai a. A tawngtaina chu chhana a awm avang leh a rawngbawlna pawh chu a hlawhtling hle a ni tih a hriat avangin Pathian hnenah chuan lawmthu a sawi nghal ta mawlh mawlh a.

I sumin Lalpa chawimawi thin la, I neih pung hmasate nen chuan, tichuan, I buh inte a khat ang a, I uaiin sawrkhur a liam bawk ang. Thufingte 3: 9-10.