KA DIL LOH ZAWK CHHANNA:- Kta Râlte

Pathian hnenah ka chapona te min lak kian sak turin ka ngen a, mahse, Ani chuan, “Ni lo ve, Chu chu keimah tihtur ni lovin, nangma kut liau liau a innghat a ni zawk e” a ti a

Ka damlohna lak ata taksa damna ka dil a, mahse, Ani chuan, “ I thlarau damna ka pe tawh che a, taksa damna chu kumhlun tur a ni lo” a ti a

... Dawhtheihna min pe turin a hnenah ka dil a, mahse, Ani chuan, “Dawhtheihna chu in pek chi ni lovin, mahni tumna hmanga a hlawh a hlawhchhuah chi a ni zawk” tiin min chhang a.

A hnenah chuan Hlimna ka dil a, mahse Ani chuan, “Malsawmna tam takin ka vur che a, hlimna chu nangma kutah a innghat ve tawh” a ti thung a.

Natna lak ata min thiar fihlim turin ka dil a, mahse, Anni chuan, “Ni lo ve, Natna leh tawrhnate chu keimah min hnaihturtu hmanrua pawimawh tak a ni zawk” a ti a

Ani hnenah chuan ka thlarau nun ṭhanlenna ka dil a, mahse, Ani chuan, “ I thlarau nun chu nangmahin ṭhantir I tum tur a ni, amaherawhchu nasa takin thlarau chaw in ka chawm belhchhah thung ang che” a ti a.

Hlim taka hringnun ka hman theih nan Ani hnenah chuan ka dil a. Mahse, Anni chuan, “ I hun hlim taka I hman theih nan Nunna hlu tak ka pe che alawm” a ti a,

Amahin min hmangaih ang bawk a midangte hmangaih ve theihna ka dil a, Ani chuan, “A tawpah chuan dil tur dik tak min dil nachang I hre ta”a ti ta a.