About

Monday, November 11, 2013

Tangsa Model School, Khasan- Work Camp



Kum 2013 Branch Poject pakhat zawk Ramthar a Rawngbawl chu rei tak chhung hun remchhang ngaihtuah a sawi ho a nih hnuah Work Camp hun  tur hi ni November 11-18 2013 ruahman a ni a,a ti hlawhtling tur khan an chhuak ta. 

Work Camp neihna hmun tur hi kan Member Missionary a chhuak Johhy Lalenkima awmna hmun  Tangsa Model School,Khasan Arunachal Pradesh ah a ni,Member 16 thawk chhuakin November 11,2013 zing lam dar 7:00 vel khan Biakin atangin Work Camp neihna lam tur panin an chhuak ta.

Work Camp neihna hmun tur hi a hlat tham deuh hlek avangin Nov 13 (Nilaini) velah an thlen theih an inbeisei...

Member kal thei te in pekna a ropuiin tawngtaipui an ngai hle a,an thil tih tur te tluang tak leh tluang tak a an tih theih nan tawngtainaah hre reng ang u.




Tangsa Model School, Khasan- Work Camp a rawn kal tur te hriat atan -

1. Riah khawmna tura ruahman ah khan Upa Training a awm dawn avangin Thawktu in ah pakhat zelin thlen tur a ni ang (mahni thlenin ah hian riah tur a ni ang).
2. Eirawngbawl erawh chu hmun khatah (Field Secretary in bul) choka ah tih tur a ni ang.
3. Thawhlehni tlai/zan ah in rawn thlen rin a ni a, hemi tlai hi chuan mahni thlen in ah chaw ei tur a ni ang.
4. Khua a vawt ve tan a, zing leh zanah chuan thawmhnaw lum inbel a ngai ve tawh (Aizawl nen boruak a inang viau mai thei)
5. Zan inkhawm: Dar 5 ah dar hmasa riin, 5:30 ah kan tan a, 6:30 chuan kan bang hman tlangpui
6. Inkhawmna ah chuan kan neih phak ang tawkin kan inchei ve thin (Aizawl nen a danglam vak lo)
7. Nilaini zan inkhawm a awm a, Ningani zanah Kohhran Hmeichhe inkhawm a awm a. Inrinni zan, Pathian ni zing leh zan in khawm a awm bawk (Pathian ni chawhnu dar 1 ah Compound inkhawm a awm a, chanvo nei lo tan chuan inchei lutuk a ngai lo)
8. Mikhual thlenna tur list hi vawiin tlaiah sem chhuah hman beisei a ni.
9. ILP nen check gate ah lo hmuah che u kan tum ang

No comments:

Post a Comment