KTP Inkaihhruaina Bu Ennawn a ni

KTP Mission Vengthlang Branch chuan kum 1991 khan, Branch inkaihhruaina Bu fel fai takin an siam a,Kum 1994,1997,2001 leh 2006 ah te a lo ennawn tawh a,Kumin 2010 hian ennawn leh niin June 22,2010-a hman tan tura a ruahhman angin hman tan a ni.

Kan hriat tul langsar zualte:

1.Kohhran Zaipawl incharge tih thin chu Kohhran Zaipawl Sub Committee ti a thlak a ni.

2.Khawhar chhungte inkhawmpuina kan neih thin chu neih tawh loh tura tih a ni.

3.Kan Branch member,Biak In hawnga nupui/pasal neite hnenah lawmpuina thuziak (Framed) leh Rs 1000/- pek thin tur a ni.

4.Kan Branch member,thite chu thawhtan zan remchang hmasa ber (a tul chuan zan dang remchang hmasa ber) ah ral hun hman thin a ni ang nga,thuziak(Framed) pek thin a ni ang.

5.Branch committee member kum over avanga KTP chhuahsan te chu ngaihhruina thuziak (Framed) pek thin an ni ang.

6.Member kum over avanga KTP chhuahsan te chu Holy Bible pek thin an ni ang.

7.Kan Kohhran huam chhungah,Zirtawpni leh a hnu lama mitthi/ruangthlak an nih in Pathianni tlai hmasa berah KTP Fellowship/Hla zir a awm lo ang.Tul bik thil a awm chuan Branch Committtee in a rel thin ang.

8.KTP Library siam a ni ang.KTP Room-ah a awm ang a Literature & Sports Sub Committee-in a enkawl ang.A kalphung tur hi Kumtir Branch Committee Meeting-ah ngaihtuah thin a ni ang.

Kan Branch Inkaihhruaina bu hi member,a duh apiangte tan Pu Vanlalruata,Branch Asst Secretary hnenah Rs 5/- in lei theih a ni e.