Mission Vengthlang Kristian Thalai Pawl, an Branch kum 40-na ( ruby jubilee) atan Souviner a buatsaih hi a lawmawm ka ti takzet a,Article ziak ve tura min rawn sawm hi ka lawmhle a ni.
Kum 1930 hma lamah kha chuan Mission Vengthlang Hming hi a la awm ngai lova.tlang Veng ( Tlang Bawk an ti bawk)leh Kawn veng hi tuna Mission Vengthlang chu a lo ni ta a ni.Chung hun lai chuan Tlang vengah in 7,Kawn Vengah in 11 kan awm a.Mission Venglai leh Dawrkai chhuk te nen,kan vaiin Mission Compound tih a ni a,Mission Veng Biakinah kan inkhawm vek thin.
Mission Conpound a in neia khawsa te hi Mission hnathawk an ni tlangpui a,Mission Sapin an awp a.Inhmun lo ram thubuai hlabuai pawh Mission Sap te Pastor te leh Kohhran upa ten an rem vek zel a ni.Insak dan tur pawh an ruahman fel vek a,kangmei laka inven nan,inzing lutuk lova,compound te nei theia,sak a ni deuh vek a,Septic tank te a la awm loh avangin,Ekin te pawh tho lut thei lo tura sak tur tih a ni.Mission Sap te khanan tlawh kual reng bawk a,Hmeithai te leh kuttualleichhamte awm na tur In te pawh an sak sak a,an tanpui reng bawk thin.
Mission Compound chhunga Kohhran Dan Thianghlim bawhchhia,inngaihna sualah emaw,chhungkhat hotupa ber a lo tluk aKohhran atanga phuar emaw hnawhchhuah emaw a lo nih chuan Kohhran atanga an hnawhchhuah zan atangin Mission Compound atang pawhin hnawhchhuah ve nghal an ni a.Dan chhunga an lakluh leh hma loh chuan,Mission Compound pawn lamah an awm a tul tawh thin a ni.Mission Compound chhungah hian Zu zuar emaw zu rui emaw hmuh tur an awm ngai lo.
Tlang Veng te leh Kawn vengte chu Mission Vengthlang kohhran a lo ni ta a,Mission Veng kohhran atanga kan indan pawh Kum 40 a lo ni ta hial a ni.CHu mai pawh a la ni lo Mission Vengthlang Kohhran a tangin Jubilee kohhran pawh a lo piang ve leh ta zel hi a ropui hle a ni.Kum 1935 hma lama Mission Veng biakin a inkhawm tura Laltin khaia kan kal thin laite,ka thawm hria a kawn vela,keite hawk dawt dawt a kawng thlanga a zuan thlak thin laite kha a lo rei ta hle mai.
Ka pi leh pute (ka nu lam) kha Kristian hmasa an ni a,Zokhawsang atangin Lalin a rawn hnawtchhuak a.Kum 1910 kum laihawl vel atanga Tlangvenga awmhmun lo khuar tawh an ni a,Kum 98 zet awmhmun kan khuarna hmun a lo ni tawh a,ka tan phei chuan Mission vengthlang hi a hlu a ka chhuang hle bawk a ni.
Kum 1966-a Mizoram an buai takah khan,curfew karah Mission veng biakinah kan inkhawm hleithei ta lova.Theological College ah tawngtai hona kan nei hram hram a,chu pawh chu harsa tak a ni.Chumi hmuah Primary School ah Sanday School kan han nei leh a,buaiin ziaawm lam a pan hret hret a,,mahse,zan lamah curfew anih reng avangin chhun leh zana inkhawmna neih chu a harsa a,Mission veng biakin pan pawh a harsa tawh a.Harsa tak chunga sikul ah te kan inkhawm hnuah November ni 10,1968-ah Chhimphei Presbytery chuan Mission Veng kohhran atanga indan min phalsak ta a ni.
Mizote hi India hmarchhak kilah,ram te tak te ah kan awm a,ram danga mi chengte khaikhin phei chuan mi tlem te kan ni.Ram zau pui pui kal tlangin Sap hoin kan ram an rawn pan a,Chhanchintha meichher an rawn chi eng ta hi kan vannei em em a,Pathian zanchhuah ram kan lo ni hi,a vanneihthlak a ni.Mission veng,Mission Compound ni thin phei chu Sap ho ngeiin min chen chilh a,Hmeichhe Sikul dinna hmun a ni a,Mipa Sikul a awm bawk a,Loch Printing Press(Synod press) leh Bookroom te kan venga awm vek a ni a,akn vannei hle a ni Kan Zosapte kha talent tha tak nei deuh vek mai an ni a,Music te,lemchan te ,puanthui te,Khawl chhut(typing) te,toys making( naupang lawm thil lem siam)thiam tak tak te an ni hlawm a,An thiam na hrang hrang te kha, a bik takin Mission Venga awm te khan kan chhawr tangkai ber hial awm e.Mizote hi kan mawl hle na a,kut themthiam tak tak an awm ve a,Hman laia kan pi leh pute hun laia ankutchhuak-Lunga an thil kher te,an puan ze zeh dan te han hmuh hian,an duai bik lo hle a ni.Mahse hla lamah hian an sak vak lo em ni dawn le."Sazuk ki riau ruau,Fian bawm a akang e" tih te leh" A e!A e! A e! ti teiin nilengin an lo zai peih ve tho chu a ni a le!
Tunah zawng Cyber World-ah kan khawsa ve dawn ta niin alang a,Telephone kal theih hmangin khawvel ram hrang hrang a mi kan be pawp thei tawh a,kan khawvel hi a zim hle tawh a ni.Daniela 12:4-ah pawh"Mi tam tak an tlan vel ang nga,hriatna te a pung dawn a ni",tih kan hmu a,Kan kohhran pawh a thang chho zel a,kan inkhawm dante pawh a changkang sawt hle a,Mahse Bible-in a sawi Ni tha lo(evil day)-ah kan cheng mek a ni tih hi thalaite hian kan hriat reng ka duh a ni>ozone layer pawp avangin Global Warming hian kan chenna khawvelah hian hun khirh tak a thlen mek a,a la thlen zel dawn a,Thalaite hi kan ram leh kan kohhran nghafak leh siamtha turte in ni a.Chhim leh hmar chhak leh thlangah milem biain min hual vel a,indona ralthuam hlauhawm ber leh huatthlala ber,Ruihlo hmangin kan ram hi a run mek a ni a,.Insawichhiat,inrel,itsik,inhuat a hun tawh lo.Kan ram kan hnam kan kohhran hi kan tanrual a,Nehemia ang a kan ram tlu chhe tur din thar leh turin kan tanrual a pawimawh tawh a ni.
Kristian Thalai Pawl,Pathian tichakin,Kan Ram Kan Hnam ,kan Kohhran tungding zel thei turin Thlarau Thianghlimin khawih nawn leh vek se tih hi ka duhin ka tawngtaina a ni.
MIssion Vengthlang Kristian Thalai Pawl vul zel rawh se.
(KTP Mission vengthlang Branch Ruby Jubilee Souvenier "Mel-lung" tih a atanga lak chhawn a ni)
Kum 1930 hma lamah kha chuan Mission Vengthlang Hming hi a la awm ngai lova.tlang Veng ( Tlang Bawk an ti bawk)leh Kawn veng hi tuna Mission Vengthlang chu a lo ni ta a ni.Chung hun lai chuan Tlang vengah in 7,Kawn Vengah in 11 kan awm a.Mission Venglai leh Dawrkai chhuk te nen,kan vaiin Mission Compound tih a ni a,Mission Veng Biakinah kan inkhawm vek thin.
Mission Conpound a in neia khawsa te hi Mission hnathawk an ni tlangpui a,Mission Sapin an awp a.Inhmun lo ram thubuai hlabuai pawh Mission Sap te Pastor te leh Kohhran upa ten an rem vek zel a ni.Insak dan tur pawh an ruahman fel vek a,kangmei laka inven nan,inzing lutuk lova,compound te nei theia,sak a ni deuh vek a,Septic tank te a la awm loh avangin,Ekin te pawh tho lut thei lo tura sak tur tih a ni.Mission Sap te khanan tlawh kual reng bawk a,Hmeithai te leh kuttualleichhamte awm na tur In te pawh an sak sak a,an tanpui reng bawk thin.
Mission Compound chhunga Kohhran Dan Thianghlim bawhchhia,inngaihna sualah emaw,chhungkhat hotupa ber a lo tluk aKohhran atanga phuar emaw hnawhchhuah emaw a lo nih chuan Kohhran atanga an hnawhchhuah zan atangin Mission Compound atang pawhin hnawhchhuah ve nghal an ni a.Dan chhunga an lakluh leh hma loh chuan,Mission Compound pawn lamah an awm a tul tawh thin a ni.Mission Compound chhungah hian Zu zuar emaw zu rui emaw hmuh tur an awm ngai lo.
Tlang Veng te leh Kawn vengte chu Mission Vengthlang kohhran a lo ni ta a,Mission Veng kohhran atanga kan indan pawh Kum 40 a lo ni ta hial a ni.CHu mai pawh a la ni lo Mission Vengthlang Kohhran a tangin Jubilee kohhran pawh a lo piang ve leh ta zel hi a ropui hle a ni.Kum 1935 hma lama Mission Veng biakin a inkhawm tura Laltin khaia kan kal thin laite,ka thawm hria a kawn vela,keite hawk dawt dawt a kawng thlanga a zuan thlak thin laite kha a lo rei ta hle mai.
Ka pi leh pute (ka nu lam) kha Kristian hmasa an ni a,Zokhawsang atangin Lalin a rawn hnawtchhuak a.Kum 1910 kum laihawl vel atanga Tlangvenga awmhmun lo khuar tawh an ni a,Kum 98 zet awmhmun kan khuarna hmun a lo ni tawh a,ka tan phei chuan Mission vengthlang hi a hlu a ka chhuang hle bawk a ni.
Kum 1966-a Mizoram an buai takah khan,curfew karah Mission veng biakinah kan inkhawm hleithei ta lova.Theological College ah tawngtai hona kan nei hram hram a,chu pawh chu harsa tak a ni.Chumi hmuah Primary School ah Sanday School kan han nei leh a,buaiin ziaawm lam a pan hret hret a,,mahse,zan lamah curfew anih reng avangin chhun leh zana inkhawmna neih chu a harsa a,Mission veng biakin pan pawh a harsa tawh a.Harsa tak chunga sikul ah te kan inkhawm hnuah November ni 10,1968-ah Chhimphei Presbytery chuan Mission Veng kohhran atanga indan min phalsak ta a ni.
Mizote hi India hmarchhak kilah,ram te tak te ah kan awm a,ram danga mi chengte khaikhin phei chuan mi tlem te kan ni.Ram zau pui pui kal tlangin Sap hoin kan ram an rawn pan a,Chhanchintha meichher an rawn chi eng ta hi kan vannei em em a,Pathian zanchhuah ram kan lo ni hi,a vanneihthlak a ni.Mission veng,Mission Compound ni thin phei chu Sap ho ngeiin min chen chilh a,Hmeichhe Sikul dinna hmun a ni a,Mipa Sikul a awm bawk a,Loch Printing Press(Synod press) leh Bookroom te kan venga awm vek a ni a,akn vannei hle a ni Kan Zosapte kha talent tha tak nei deuh vek mai an ni a,Music te,lemchan te ,puanthui te,Khawl chhut(typing) te,toys making( naupang lawm thil lem siam)thiam tak tak te an ni hlawm a,An thiam na hrang hrang te kha, a bik takin Mission Venga awm te khan kan chhawr tangkai ber hial awm e.Mizote hi kan mawl hle na a,kut themthiam tak tak an awm ve a,Hman laia kan pi leh pute hun laia ankutchhuak-Lunga an thil kher te,an puan ze zeh dan te han hmuh hian,an duai bik lo hle a ni.Mahse hla lamah hian an sak vak lo em ni dawn le."Sazuk ki riau ruau,Fian bawm a akang e" tih te leh" A e!A e! A e! ti teiin nilengin an lo zai peih ve tho chu a ni a le!
Tunah zawng Cyber World-ah kan khawsa ve dawn ta niin alang a,Telephone kal theih hmangin khawvel ram hrang hrang a mi kan be pawp thei tawh a,kan khawvel hi a zim hle tawh a ni.Daniela 12:4-ah pawh"Mi tam tak an tlan vel ang nga,hriatna te a pung dawn a ni",tih kan hmu a,Kan kohhran pawh a thang chho zel a,kan inkhawm dante pawh a changkang sawt hle a,Mahse Bible-in a sawi Ni tha lo(evil day)-ah kan cheng mek a ni tih hi thalaite hian kan hriat reng ka duh a ni>ozone layer pawp avangin Global Warming hian kan chenna khawvelah hian hun khirh tak a thlen mek a,a la thlen zel dawn a,Thalaite hi kan ram leh kan kohhran nghafak leh siamtha turte in ni a.Chhim leh hmar chhak leh thlangah milem biain min hual vel a,indona ralthuam hlauhawm ber leh huatthlala ber,Ruihlo hmangin kan ram hi a run mek a ni a,.Insawichhiat,inrel,itsik,inhuat a hun tawh lo.Kan ram kan hnam kan kohhran hi kan tanrual a,Nehemia ang a kan ram tlu chhe tur din thar leh turin kan tanrual a pawimawh tawh a ni.
Kristian Thalai Pawl,Pathian tichakin,Kan Ram Kan Hnam ,kan Kohhran tungding zel thei turin Thlarau Thianghlimin khawih nawn leh vek se tih hi ka duhin ka tawngtaina a ni.
MIssion Vengthlang Kristian Thalai Pawl vul zel rawh se.
(KTP Mission vengthlang Branch Ruby Jubilee Souvenier "Mel-lung" tih a atanga lak chhawn a ni)
No comments:
Post a Comment